（生慢）相思一病障颠倒，恨我呆痴自憔●；那畏琴书无凭准，害我一命送南柯。
（生●）一时望伊，心肝恰是尖刀刺。那畏伊心不比旧时，空我有只想思。任恁那畏扁鹊，你恶医，须念同学时。三年恩情重，许结红丝。谁知到今旦，掠我琴书不提起。
（生占）更深后，娘简相随来到只；恨爹可不是，掠阮亲情许乞马俊，即会负除人害了我哥病，四目无亲今卜怙谁扶持！说起来，那赢得阮泪淋漓。
（合）见你面，如见天，割我心肝，做寸裂。恨我爹无所见掠阮亲情反做参商甘愿卜拚命，学许韩朋妻，不肯看马厝面，愿共我哥恁同生同死。
（旦）【双鸂鶒】劝哥卜，你今莫得情痴，姻缘小妹挞卜终始。（生）你今记得：杭州同学时，恩情赛过亲生。
（占）阮娘仔有真心，定卜学比翼，成双连理。
（合）望天做证见。若有人亏心谴责伊。
（占）忽听见灵声啼，鼓角相催，暂且分开去，有日得团圆。
（生旦）咱双人相看恶拚舍，情绪遥，目滓珠泪滴，恰亲像长江水，又亲像月光逄雷电。
（占）我劝恁且收泪，须做紧，抽身返圆，恐畏员外得知机，许时打骂，一场入死。
（生旦）你障说，添烦恼情愿月老推迁，早谐红丝。
（旦）【尾声】叮咛书信莫放迟。
（合尾）但愿城公好扶持破镜即会得团圆。